Mitsubishi er mjög stórt fyrirtæki á sviði raftækni. Hér á landi þekkjum við það kannski einna best í risastórum hlutum á borð við hverflana í Hellisheiðarvirkjun. En Mitsubishi hefur framleitt og selt rafmagnsbíla á Japansmarkaði síðan 1993. Það ætti því ekki að koma á óvart að þeir ætli sér einnig stóra hluti á rafmagnsbílamarkaðinum.
Mitsubishi i-MiEV hefur verið í þróun í allmörg ár. Fyrstu bílarnir hétu MiEV, þ.e. án “i” forskeytisins. Skammstöfunin stóð fyrir “Mitsubishi In-wheel Electric Vehicle”. Skírskotunin “in-wheel” (e. “í-hjóli”) vísaði til þess að bíllinn var með mótora innbyggða í drifhjólunum. Margir hafa reynt sig við þá tækni en ekki tekist og Mitsubishi virðist hafa gefist upp á því líka því núna er bíllinn með einn miðlægan mótor aftarlega í bílnum.
Bíllinn lofar hins vegar alveg ágætu og sem smábíll eða borgarbíll er hann alveg frambærilegur. Hann á auk þess tvo bræður í Frakklandi hjá Peugeot og Citroen sem hér hefur lítillega verið fjallað um.
- Mótor: 47Kw (64hö)
- Rafhlaða: Lithium-ion 330 volt
- Ending hleðslu: um 130 Km
- Upptak: 0-100 Km/klst á 15 sek
- Hámarks hraði: 130 Km/klst
- Farþegar: 3 + bílstjóri
- Farangursrými: 166 ltr
Var með Mitsubishi MiEV í láni einn dag
Þetta er frábær bíll
En þetta er ekki bíll til að fara á milli Reykjavíkur og Nesjavalla dregur ekki nema ca. 70 km
En sem bíll innanbæjar er hann frábær, snöggu upp og mjög góður í akstri má segja ótrúlega góður
Mitt mat – er frábær bíll
Mínus – fer of stutt á hleðslunni.